Тренинг центар при НДЦ Скопје со задоволство ја најавува еднодневната обука „Со игри и интеракција до пријатна атмосфера во училницата“
- Датум и време: 31. март 2023, 12:00 часот
- Mесто на оддржување: Интеркултурен ресурсен кабинет при Педагошкиот факултет „Св. Климент Охридски“, Скопје
- Обучувачи на обуката ќе бидат: Биљана Крстеска-Папиќ, д-р по педагошки науки и Сонај Билал, м-р по психолошки науки, со над 15 години искуство во тимот за едукација, обука и развој при НДЦ Скопје.
- Обуката е наменета за: наставници, предучилишни воспитувачи, стручни соработници (педагози, психолози, специјални едукатори и рехабилитатори, социолози, социјални работници, библиотекари и др.), образовни асистенти, студенти и сите останати заинтересирани лица.
- Обуката ќе биде во времетраење од 3 часа. Истата ќе биде насочена кон дефинирање, презентирање и примена на конкретни, успешни игровни и интерakтивни стратегии, како и нивните придобивки за децата, учениците во процес на социјализација и учење.
Карактеристики на обуката:
- Интерактивен начин на работа,
- Двојазичен / тријазичен приод (македонски/албански/турски јазик, во зависност од структурата на групата),
- Работа во мали групи,
- Групна дискусија,
- Симулации,
- Учење по пат на решавање на проблеми,
- Играње на улоги.
- По завршување на обуката, за секој учесник следува сертификат за успешно завршена обука.
Како да се пријавите?
Доколку сакате да присуствувате, потребно е да се пријавите на следниот линк https://tcie.mk/apliciraj
- Котизација за учество на обуката изнесува 1000 денари, вклучувајќи ги работните материјали и прирачник. Уплатата на котизацијата се врши преку уплатница ПП30 или ПП10 во банка или преку електронско банкарство. НАСОКА ЗА ВРШЕЊЕ НА УПЛАТА
- Местата се ограничени! Пријавувањето и уплатата се врши најдоцна до 28.03.2023. година.
За сите дополнителни прашања и информации, може да нѐ контактирате на телефон 02/3209-905 или на e-mail адреса: trening@tcie.mk